يا الغافل نبدا ونقول

يا الغافل نبدا ونقول .. راح طريق هذي الدنيا
اقرا لكلام واحفظ لمعون ... و ادي عبرة من هاذ لحكاية
كان يعشقها كي المجنون ... ما يشوف غيرها في هاذ الدنيا
الصباح يخدم في الطاكسيفون ... ويدخل للدلالة لعشية
شحال كثروا عليهم لهموم ... يخرج معاها بالنية
يسمع حسني ويبات مزطول ... ويخمم غير فيها هي
قالتلو كثر فيا القول ... والهدرة قوات عليا
كي يجيو الخطابة واش نقول ... بيّن روحك لماليا
حبّس الشيرة وزاد لالكول ... هي لي زيراتو شوية
جازوا 7 سنين و3 شهوور ... قالت لو راهم قبلوا والديا
شحال استنيت هذاك اليوم ... ندخل عريس بين والديا
هذاك عرسي في الشيراطون ... وعرضت الاحباب والفاميليا
استقامتلي 70 مليون ... درت عرسي بالمسامعية
قاع هاذ الشيء وزدت قلتلهم ... ماشي خسارة في عينيا
داخل لوتال فرحان مزروب ... اليوم الدخلة هاذي هي
ناوي الحلال وحاب يتوب ... الطفلة ظهرت غير طاغية
والفرشة ب 70 مليون ... مسكين لعبت بيه الدنيا
خرج يعيط كي المهبول ... خلاها طايحة ضحية
تبرعولو بـ 60 مليون ... باش يغمولو القضية
دارت سمانة في السجون ... ثما ذاق الميزيرية
شاف روحو كيفاش يكون ... يستنا مع المحابسية
شيان وجهو وصفار اللون ... داخل قبة للبرواقية
يهدر وحدو ذاك المسجون ومغبون ... يا خاوتي حسّو بيا
كي نشوف الناس وش راح تقول ... كيفاش نقابل مولايا
واش نعمل و واش المعمول ... هاذ الطفلة غدرت بيا
بغيتها ليّا بورتوجور ... كنت دايرها بنت فاميليا
كنت حاكم المونوبول ... بالحطة والشخصية
يا حصرا كي كنت مريول ... قوليلي وين كنتي انتيا
من هاذ الحكاية راني مذعور ... خممت غيبتهالي الدنيا
ما بقاش لامان في بنات اليوم ... قولولي وين راهي النية
نقعد célibataire jusqu'à la mort .. ولا نديها قاورية
نشقا عليها قاطع لبحوور ... ياك بوبونة وفيها النية .